Пирс Броснан и Кили Смит имаат љубов за каква многумина сонуваат. Популарниот актер и 54-годишната поранешна новинарка и активистка се заедно 25 години и го имаат еден од најстабилните бракови во Холивуд кој никогаш не бил вмешан во скандали.
65-годишната филмска ѕвезда го одбележа значајниот момент со кратка љубовна порака на Instagram. „Ти благодарам за љубовта, љубов моја, во изминативе 25 години и за натаму“ - напиша тој.
Љубовта на Пирс и Кили се роди три години откако тој ја изгуби првата сопруга како последица на рак на јајниците. Тие ја крунисаа својата романса со брак во 2001 година, а заедно имаат две деца – Дилан и Парис.
Пред две години, актерот познат по улогата на Џејмс Бонд, за својата сакана изјави: „Ја обожавам нејзината виталност, нејзината страст. Таа има сила без која не би можел да живеам. Кога Кили ќе ме погледне, чувствувам слабост.“
Пирс со Кили во 1995 година
Парот моментално патува низ светот во рамките на промотивната турнеја на неговиот нов филм „Mamma Mia! Here We Go Again“.
