И Владимир Блажев-Панчо од ДНК се бори за својот живот.
Во емотивна објава, Ребека Јанковска Ристески соопшти дека неговата состојба е влошена и дека моментално се наоѓа на кислородна поддршка.
Драги и почитувани пријатели,
Да се молиме за сите кои се борат за живот вечерва. Да се помолиме и за Владимир, Панчо, мојот мал Буцо од детството кој ме носеше на пица да ме части, а имаше 12 или 13 години. Буцо кој е голем борец, патриот, хуманитарен, уметник! Молитвата е моќна кога е од срце. Господ да се смилува и сите кои преживеаја, а се во тешка состојба да ги исцели и да им дари живот.
Панчо мил, Те молам не се предавај!!!!
Владимир е во Систина префрлен вечерва. Состојбата му е влошена. Трахеата е оштетена. Вдишал многу топол дим. На апарати е.
Во ужасниот пожар во дискотеката „Пулс“ во Кочани загинаа 59 лица, од кои осум се членови на бендот ДНК. За жал, неговиот драг колега Андреј подлегна на повредите и го загуби својот живот.
