Во изминативе седмици, Селена Гомез и Џастин Бибер многупати беа фотографирани заедно, па гласините дека ја обновиле врската стануваа сè погласни и погласни.
Веќе нема сомнеж дали музичките ѕвезди се заедно - на најновите папараци фотографии е уловен нивен бакнеж.
25-годишната пејачка и 23-годишниот пејач си разменија бакнежи за време на негов хокеј натпревар во Вентура, Калифорнија.
Селена и Џастин беа во врска со прекини од 2010 до 2015 година.
Популарната двојка неодамна беше видена во јавност за време на забавни активности како возење велосипед.
Селена претходно беше во врска со The Weeknd, кој наводно бил иницијатор за раскинувањето.
Се шпекулира дека The Weeknd веќе има средби со неговата бивша девојка, Бела Хадид.
