Ирина Шајк ја доби својата прва „Вог“ корица. Привлечната Русинка го краси ноемвриското издание на „Вог“ Шпанија, облечена во палто од Гучи.
„Голема чест е да бидеш на насловната на Вог Шанија. Работев напорно за да преминам повеќе кон високата мода и ова е прекрасна потврда“ – изјавила Шајк.
Во интервјуто за списанието, Шајк зборувала за својот долгогодишен партнер, фудбалерот Кристијано Роналдо. „Заедно сме повеќе од три години и уживам во врската! Тој е голема поддршка за мене. Секогаш е покрај мене и знае како да ме усреќи. Ме разбира совршено и ја разбира мојата работа, што е многу важно за мене. Ја обожавам мојата професија и патувањето, па ми треба партнер кој го разбира она што го правам и ми дава сила за тоа“ – рекла таа.
На прашањето што гледа во својата иднина, Ирина одговорила: „Како и секоја друга жена, сакам да имам деца, семејство и многу животни. Но, не можеш да го планираш тоа. Мора да дојде вистинското време, а никогаш не знаеш кога ќе биде тоа.“
Фотографиите се дело на Џампаоло Згура.
