Џаред Лето е актер и музичар кој лесно им влегува под кожа на жените. Синоокиот шармер е ѕвездата од новото издание на списанието „Flaunt“.
За фотографот Ерик Реј Дејвидсон, 42-годишниот Лето позираше во свој стил во облека од Долче и Габана, Александар МекКвин, Баленсијага, Сен Лоран, Прада, Марк Џејкобс, Мајкл Корс и модни додатоци од Вилијам Хенри.
Лето моментално е едно од најозборуваните лица во Холивуд, бидејќи е фаворит за освојување на Оскар за Најдобар актер во споредна улога.
Критичарите имаа само позитивни зборови за неговата трансформација за филмот „Dallas Buyers Club“, како и неговото претставување на комплицираниот лик Рејмонд (Рејон).
„Уште на почетокот бев јасен дека го гледам Рејон како маж кој сака да го живее својот живот како жена, а не како некој што ужива да носи женска облека“ – изјавил тој за „Flaunt“.
Џаред Лето (лево) и Метју Меконахи во „Dallas Buyers Club“
Џаред Лето драстично ослабе и си ги избричи веѓите за да може да влезе во улогата на Рејон
Публиката го запозна Лето преку серијата „My So-Called Life“, а го засака поради филмовите „The Thin Red Line“, „Fight Club“, „American Psycho“ и „Requiem for a Dream“. Тој има и успешна музичка кариера со својот бенд „Thirty Seconds to Mars“.
