Вилијам Леви започна да го освојува Холивуд. 34-годишниот актер го сними својот прв филм на англиски и деновиве активно го промовира во медиумите. Станува збор за драмата „Addicted“.
Во екот на промотивните активности, Леви позираше за „Para Todos“, на огромна радост на неговите обожавателки.
Во интервјуто за списанието, тој зборувал за „Addicted“. „Тоа беше првиот филм што го снимив на англиски, затоа и толку многу ми значи“ – рекол тој.
Коментирајќи ја актерската кариера, Леви изјавил: „Тоа отсекогаш беше мој сон, уште од времето кога бев мал. Сакав спортови, но не бев сигурен дека сакам да го работам тоа. Си ја пробав среќата во актерството и тоа ме донесе тука. За мене е неверојатно што можам да речам дека го живеам својот сон.“
