Џејмс Харисон го напушти овој свет.
Австралиецот познат како „човекот со златна рака“, затоа што поседуваше ретка крв со уникатни антитела, почина на 88-годишна возраст. Веста дека Харисон почина во сон на 17 февруари ја потврдија од австралискиот Црвен Крст.
Додека беше жив, Џејмс имаше донирано крв 1.173 пати и им го спаси животот на повеќе од 2,4 милиони бебиња.
Крвната плазма на Харисон содржеше скапоцено антитело, познато како Анти-Д, кое беше искористено за да се развие инјекција која мајките ја примаат за да се заштитат неродените бебиња од хемолитичната болест, која може да биде фатална.
Кога бремена жена со Rh негативна крвна група носи бебе со Rh позитивна крв, нејзиното тело ги регистрира црвените крвни зрнца на бебето како закана (напаѓачки вирус или бактерија) и произведува антитела за да го уништи напаѓачот.
Џејмс одлучи да стане крводарител на 14-годишна возраст кога примил повеќе трансфузии по операција на белите дробови. Откако станал полнолетен, тој започнал да донира плазма на секои две недели сè до неговата 81 година, крајната возраст за донирање крв во Австралија.
Неговата ќерка, која и самата ја има примено инјекцијата Анти-Д, рекла:
„Бидејќи и јас сум примател на Анти-Д, тој остави зад себе семејство кое можеби немаше да постои без неговите скапоцени донации. Тој беше многу горд што спаси толку многу животи без никаков трошок или болка. Пресреќен беше кога слушаше за многуте фамилии како нашата, кои постоеја поради неговата љубезност“.
Во 1999 година, Џејмс прими орден од државата и беше прогласен за национален херој.
За време на последната донација, се запознал со многу бебиња кои биле спасени благодарение на неговата „златна крв“.
Australia has farewelled a real-life superhero, James Harrison, also known as the ‘Man with the Golden Arm’.
— 10 News First (@10NewsFirst) March 3, 2025
James was an extraordinary person whose blood helped save 2.4 million Australian babies.@lifebloodau pic.twitter.com/uRS5CUWC8Y
