Синоќа во Франкфурт се одржа доделувањето на Европските музички награди на MTV. Хајди Клум ја водеше свечената манифестација која донесе на сцената светски познати изведувачи како Рита Ора, Тејлор Свифт, Карли Џепсен, Алиша Кис, Питбул, Псај, No Doubt и Muse.
Хајди Клум
Најголеми победници на вечерта беа Тејлор Свифт и Џастин Бибер со по три добиени награди. 22-годишната пејачка, која го означи крајот на забавната манифестација со изведбата на „We Are Never Ever Getting Back Together“, беше прогласена за Најдобар женски изведувач. За да ја добие посакуваната титула таа ги победи Пинк, Ники Минаж, Кети Пери и Ријана.
Тејлор Свифт
Џастин Бибер, кој не беше присутен лично да ги прими наградите, беше прогласен за Најдобар машки изведувач и Најдобар поп изведувач.
Карли Џепсен
Наградата за Најдобра песна заврши во рацете на Карли Џепсен за хитот „Call Me Maybe“, додека статуетката за Најдобро видео му припадна на Псај, за неговиот вирален хит „Gangnam Style“.
Псај
Еве ја целосната листа на победници:
MTV European Music Awards 2012
Best Female: Тејлор Свифт
Best Male: Џастин Бибер
Best Pop: Џастин Бибер
Best Song: Карли Џепсен – „Call Me Maybe“
Best Rock: Linkin Park
Best Video: Псај – „Gangnam Style“
Biggest Fans: One Direction
Best Alternative: Лана Дел Реј
Best Hip Hop: Ники Минаж
Best World Stage: Џастин Бибер
Best Push: Карли Џепсен
Best New: One Direction
Best Electronic: Дејвид Гета
Best Live: Тејлор Свифт
Best Look: Тејлор Свифт
Global Icon: Витни Хјустон
Best Worldwide Act: Han Geng
