Рита Ора беше една од гостинките на овогодишното виртуелно издание на Европските музички награди на MTV.
На церемонијата, на која беа наградувани најдобрите музичари за годината која измина, 29-годишната пејачка се појави во две исти креации, но во различни бои – жолта и светло розова. Разиграниот мини фустан од колекцијата пролет/лето 2021 на Џамбатиста Вали, Рита го комбинираше со впечатливи обувки со циркони.
Рита ја додели наградата за најдобра електронска музика, која заврши во рацете на Дејвид Гета.
Наградната манифестација беше снимана предвреме на различни локации низ светот. Во улога на водителки влегоа девојките од Little Mix.
