Доколку новиот вирус не го прекинеше нормалното функционирање, синоќа ќе се одржеше годинашното финале на Евровизија. Но, наместо музички спектакл во голема сала, беше организиран дигиталниот настан „Eurovision: Europe Shine A Light“.
Марија Шерифовиќ беше поканета да ја изведе баладата „Молитва“, а нејзиниот спот одушеви многумина, будејќи најразлични емоции.
„Додека го снимавме спотот и ги гледавме материјалите, не ми беше пријатно да ги гледам празните улици, но сега, кога го прегледавме материјалот, констатиравме дека имаме преубав велеград. Пријателите ми кажуваат: ‘Ова ти се нови 5 минути евровизиска слава’. Поминаа 13 години од кога бев на Евровизија и ми се чини дека во овие околности, за жал, Молитва го доби својот вистински спот“ – рекла Шерифовиќ.
Српската пејачка победи со „Молитва“ на Евровизија во 2007 година во Хелсинки.
