Марија Шерифовиќ се врати на музичката сцена по 5-годишна пауза.
38-годишната српска пејачка, која е регионална ѕвезда, ги израдува фановите со новата песна „Dobar vam dan“ (Добар ви ден). Музиката и текстот се напишани од Леонтина Вукомановиќ, а аранжманот е на Дарко Димитров.
Марија пишува дека преку оваа песна му се обраќа на светот кој наликува на џунгла, без трошка ферплеј. Им се обраќа на сите кои живеат во хаосот од неправди и лаги, каде не постои милост за различните.
На крајот од нејзиниот пост на Instagram, таа им посака „Среќна Нова година“ на сите.
Шерифовиќ стекна голема слава со песната „Молитва“ со која во 2007 година победи на Евровизија во Хелсинки.
