Згодниот и мускулест Крис Хемсворт беше прогласен за Маж на годината од страна на машкото списание „GQ“ Австралија.
По тој повод, 33-годишниот актер сними фотосесија за најновото издание на списанието, кое го опишува Крис како австралиска икона, семеен човек и најфиниот маж во Холивуд, кој зад себе ја имаше најдобрата година до сега.
Колегите на Крис од филмот „Thor“ споделија за „GQ“ што мислат за него.
„Едно утро го гледав Крис на снимањето на важна сцена од Thor: Ragnarok. Сцената бараше многу детали, но тој сакаше да ја сними брзо за да заврши со снимањето до времето за ручек, бидејќи попладнето имаше родителски состанок меѓу татковци и ќерки на училиште. Тоа е Маж на годината ако некогаш сум запознал таков“ – рекол Том Хиделстон.
„Крис е еден од ретките таленти кои се истовремено физички совршени и вистински талентирани. Тој е еден од најљубезните и најпосветените актери“ – изјавил Марк Рафало.
Говорот на Крис по прогласувањето за Маж на годината
Машкото списание ја прогласи Иги Азалија за Жена на годината.
