Крис Хемсворт ги покажа своите кулинарски вештини. 32-годишниот актер, познат по улогата на Тор од филмовите на Марвел, ги засука ракавите и сам ѝ направи роденденска торта на ќерка си, откако слаткарницата одби да ги услужи.
Згодниот Австралиец на својот профил на Instagram објави фотографија од домашно направената торта за малата Индија и во описот напиша: „Што се случува кога од слаткарницата велат дека немаат време за да направат торта за роденденот на твојата ќерка? Ти се вклучуваш и правиш сам!“.
Неговата сопруга Елза Патаки на Instagram објави фотографија на којашто Крис ја приготвува тортата.
Крис и Елза имаат три деца – 4-годишната Индија и 2-годишните близначиња Тристан и Саша.
