Мараја Кери се претвори во Пепелашка за да ги обнови брачните завети со својот принц, Ник Канон. Музичката дива и нејзиниот сопруг ги одбележаа петгодишнината од бракот и вториот роденден на близначињата со прослава во Дизниленд.
Церемонијата очигледно беше инспирирана од Пепелашка. Мараја носеше принцески фустан, а исто така и нејзината ќеркичка Монро. Двете дами пристигнаа кај замокот во кочија која беше како излезена од познатата бајка.
43-годишната пејачка објави неколку Vine видеа кои покажуваат како течеле подготовките и дел од самата церемонија.
Мараја и Ник стапија во брак на 30 април 2008 и оттогаш секоја година ги обновуваат своите завети. Пред две години, на годишнината од бракот, тие го добија најубавиот подарок на светот – близначињата Монро и Морокан. Минатата година ги обновија брачните завети во Париз, на врвот на Ајфеловата кула.
