Остануваат уште неколку дена од претседателскиот мандат на Барак Обама. 55-годишниот претседател на САД го одржа својот говор за збогување на националната конвенција на Демократската партија.
Во прошталниот говор, Барак му оддаде почит на своето семејство и дозволи емоциите да го надвладеат додека зборуваше за својата сакана сопруга Мишел и за двете ќерки.
„Во изминативе 25 години, ти беше не само моја сопруга и мајка на моите деца, туку и мој најдобар пријател. Прифати улога која не ја ни побара и ја направи своја со грациозност, смелост, стил и добра смисла за хумор.“
„Ја направи Белата куќа место кое му припаѓа на секого. Новата генерација поставува повисоки стандарди, бидејќи ти ѝ служиш како пример. Ме направи горд. Ја направи државата горда“ – вели Обама во видеото, обраќајќи ѝ се на Мишел.
Барак и нивната ќерка Малија ги бришат солзите додека целата публика ѝ аплаудира на Мишел.
„Малија и Саша, под најчудните околности, вие станавте две прекрасни млади жени, паметни и убави, а што е најважно, љубезни и внимателни и полни со страст. Вие толку лесно го носевте товарот на годините поминати во центарот на вниманието. Од сè што направив во мојот живот, најгорд сум што сум ваш татко“ – додава Обама во својот говор.
Саша не присуствуваше на настанот, бидејќи се подготвувала за полагање на тест.
