Анџелина Џоли е „господарка на сето зло“ во новиот филм „Maleficent“, базиран на приказната за заспаната убавица. Денес беше објавен првиот трејлер во кој е откриен злобниот изглед со рогови на Џоли.
На почетокот на видеото можеме да ја видиме и 5-годишната ќерка на Анџелина и Бред, Вивиен Џоли-Пит, како безгрижно трча низ зелена ливада. Слаткото девојче е детска верзија на принцезата Аурора, додека улогата на возрасната Аурора ѝ припаѓа на Ел Фенинг.
Вивиен Џоли-Пит
Филмот ја раскажува приказната за заспаната убавица, но од перспектива на злобната самовила или „господарката на сето зло“. Филмот ги открива настаните кои го скаменија нејзиното срце и ја натераа да го проколне бебето Аурора.
„Maleficent“ ќе биде објавен на 30 мај 2014 година.
