Анџелина Џоли со близнаците и ќерката Захара на ручек во Лос Анџелес

Во паузите помеѓу работните ангажмани, Анџелина Џоли им е посветена на децата. 43-годишната актерка изминативе денови неколкупати беше фотографирана со нејзините најмили за време на најразлични активности.

Џоли вчера се најде во фокусот на папараците додека се упатуваше на ручек во ресторан заедно со 10-годишните близнаци Вивиен и Нокс и 14-годишната Захара.

Претходно таа беше видена и со 12-годишната ќерка Шајло по посета на продавница за миленици.

Заедно со малите деца, Џоли посети и спортски центар.

Анџелина и Бред Пит сè уште ги финализираат деталите околу разводот, а поточно околу старателството. Иако таблоидите активно известуваат за наводна романса на Пит со Шарлиз Терон, поугледните медиуми преку свои извори дознаваат дека нема вистина во тие гласини.