Форбс ја објави својата нова листа на најплатени актерки. Овој пат првото место го делат две мега популарни ѕвезди – Анџелина Џоли и Сара Џесика Паркер. Во периодот од мај 2010 до мај 2011 двете актерки заработиле по 30 милиони долари.
Џоли својот успех го должи на филмовите „Salt“ и „The Tourist“, додека Сара Џесика Паркер сè уште најголемите приходи ги добива од „Сексот и градот“. Сара заработила и 18 милиони долари од своите парфеми.
На третото место зад Џоли и Паркер, се најдоа Џенифер Анистон и Рис Витерспун со изедначена заработка од 28 милиони долари. Џенифер Анистон најголемиот дел од парите го заработила од филмовите „The Bounty Hunter“ и „Just Go With It“.
Витерспун и покрај неуспесите на нејзините филмови, успеа да заработи солидна сума. Нејзината романтична комедија „How Do You Know“ доживеала неуспех со заработка од само 50 милиони, а инвестиран буџет од 120 милиони долари.
На петтото место е актерката со голема насмевка, Џулија Робертс, која заработила 20 милиони долари, а исто толку заработила и ѕвездата од филмовите „Twilight“, Кристен Стјуарт.
Топ 10 најплатени актерки
- Анџелина Џоли – 30 милиони долари
- Сара Џесика Паркер – 30 милиони долари
- Рис Витерспун – 28 милиони долари
- Џенифер Анистон – 28 милиони долари
- Џулија Робертс – 20 милиони долари
- Кристен Стјуарт – 20 милиони
- Кетрин Хејгл – 19 милиони долари
- Камерон Дијаз – 18 милиони долари
- Сандра Булок – 15 милиони долари
- Мерил Стрип – 10 милиони долари
