Амбер Херд и Илон Маск повеќе не кријат дека се во љубовна врска. Новиот славен пар беше фотографиран на прошетка во Австралија.
31-годишната поранешна сопруга на Џони Деп на Instagram сподели фотографија со саканиот, на која тој на лицето има траги од кармин од нејзин бакнеж.
Славната актерка и успешниот милијардер и основач на „Tesla Motors“ беа фотографирани на прошетка со два од неговите пет сина и додека се забавуваа во зоолошката градина „Currumbin Wildlife Sanctuary“ во Квинсленд.
Амбер поднесе документи за развод од Деп во мај минатата година, откако го обвини за семејно насилство. Нивниот развод беше финализиран во јануари оваа година.
Маск беше во брак со канадската авторка Џастин Вилсон од 2000 до 2008 година и заедно имаа шест сина. Нивниот прв син, Невада Александар, починал кога имал само 10 недели. Потоа, Илон два пати се ожени и разведе од актерката Талула Рајли.
