Популарната песна Everybody Hurts, оригинално испеана од групата REM, доби своја нова верзија, создадена благодарение на гласовите на 21 музичка ѕвезда: Леона Луис, Род Стјуарт, Мараја Кери, Тејк Дет, Кајли, Роби Вилијамс, Шерил Кол, Сузан Бојл, Мајкл Бубле, Ника, Џејмс Морисон, Александра Бурк, Мајли Сајрус, Џејмс Блант, Џон Бон Џови, Вестлајф и Џеј-Ел-Си. Оваа песна е снимена со хуманитарна цел – собирање на средства за жртвите од земјотресот во Хаити. Ќе бидат создадени уште две „групни“ песни за истата цел.
Веќе се снима нова верзија на големиот хит We Are The World, во чие исполнување ќе учествуваат 75 музички имиња, меѓу кои и Селин Дион, Пинк и Џенифер Хадсон.
