Дејвид и Викторија Бекам пред 18 години ја крунисаа својата љубов со брак. За да ја одбележат годишнината од свадбата, поранешниот фудбалер и познатата дизајнерка споделија стари фотографии и кратки љубовни пораки.
42-годишната фудбалска ѕвезда се пошегува за стилскиот избор на парот од минатото, а потоа ѝ ја честита годишнината на саканата сопруга. „Wow навистина го направивме ова. Среќна годишнина на прекрасна сопруга, мајка и силна бизнис жена“ - напиша тој.
Викторија објави фотографија од нивната свадба. „Те сакам. Бакнежи“ - стои во нејзиниот опис.
И нивниот син Круз сподели фотографија од свадбата со пораката: „Мајка и татко од соништата, не можам да поверувам дека изминаа 18 години, па честита годишнина. Ве сакам многу и сакам да знаете дека сте најдобрите родители на светот“.
Викторија на социјалните мрежи сподели и неколку фотографии од нивната прослава, односно од појадокот организиран од нивните деца и романтична вечера покрај оган.
Љубовната приказна на Дејвид и Викторија започна во 1997 година, кога Викторија беше дел од Spice Girls. Нивната врска веднаш привлече огромно медиумско внимание. На 4 јули 1999 година, четири месеци по раѓањето на нивниот прв син, тие направија луксузна свадба во Ирска. парот има 4 деца.
