Викторија и Дејвид Бекам токму на овој ден, пред две децении, запливаа во брачните води. Славниот пар ја одбележа 20-годишнината од бракот со споделување на стари фотографии и љубовни пораки.
На Instagram, 45-годишната дизајнерка објави видео во кое се споени дел од нивните омилени заеднички фотографии и напиша: „20 години денес. Те сакам премногу. Бакнежи“.
„WOW. 20 години, погледни што создадовме. Те сакам премногу“ – напиша поранешниот фудбалер во описот на Instagram.
Нивните синови Бруклин, Круз и Ромео со пораки на социјалните мрежи им ја честитаа годишнината, а нивната мала ќерка Харпер им подари слатка книга во која се насликани моменти од нивниот семеен живот, заблагодарувајќи им се што се прекрасни родители.
