„12 Years a Slave“ и „Gravity“ триумфираа на Оскар 2014

Елен Деџенерис ја забавуваше мултимилионската публика на 86-тото доделување на престижните награди Оскар. За време на свечената манифестација беа наградени најдобрите во филмската индустрија за изминатата година.

Елен Деџенерис

„12 Years a Slave“ ја доби најпосакуваната статуетка на вечерта. Историската драма режирана од Стив Меквин, која се фокусира на деликатната тема ропство, ги победи „Gravity“, „American Hustle“, „Captain Phillips“, „Dallas Buyers Club“, „Her“, „Nebraska“, „Philomena“ и „The Wolf of Wall Street“ во трката за Најдобар филм.

Стив Меквин и екипата на „12 Years a Slave“

„Им ја посветувам оваа награда на сите луѓе кои живееле во ропство и оние 21 милион луѓе кои сè уште страдаат во ропство денес“ – рече Меквин на бината.

Според бројот на освоени статуетки, „Gravity“ беше голем победник на овогодишните Оскари. Популарниот филм со Сандра Булок и Џорџ Клуни доби седум награди, меѓу кои наградата Најдобри визуелни ефекти и наградата Најдобар режисер, која заврши во рацете на Алфонсо Куарон.

Метју Меконахи ги победи конкурентите Кристијан Бејл, Леонардо Дикаприо, Брус Дерн и Чуител Еџофор и ја освои наградата Најдобар актер за улогата во „Dallas Buyers Club“. Истиот филм на Џаред Лето му ја донесе наградата Најдобар актер во споредна улога.

Метју Меконахи

Џаред Лето

Кејт Бланшет очекувано беше прогласена за Најдобра актерка за филмот „Blue Jasmin“, додека Лупита Нионго не можеше да ги задржи солзите додека ја примаше наградата Најдобра актерка во споредна улога за улогата во „12 Years a Slave“.

Кејт Бланшет

Лупита Нионго

„Frozen“, новиот филм на Дизни, доби две награди – Најдобар анимиран филм и Најдобра оригинална песна за „Let It Go“.

„The Great Beauty“ е Најдобар филм од неанглиско говорно подрачје, а „Twenty Feet From Stardom“ е Најдобар документарен филм.