Добитниците на престижните награди Оскар 2018

Синоќа беше најважната ноќ во филмската индустрија. Во Долби театарот во Холивуд беа доделени престижните награди Оскар.

Академијата за филмски науки и уметности втора година по ред го постави Џими Кимел да ја забавува публиката, додека свечено беа наградувани најдобрите кои се истакнаа во филмскиот свет во изминатата година.

Џими Кимел

„The Shape of Water“ имаше најмногу номинации, па разбирливо доби и најмногу награди, меѓу кои и за Најдобар филм и Најдобар режисер.

Филмската екипа на „The Shape of Water“

Златната статуетка за Најдобра актерка отиде во рацете на Франсес Мекдорманд за улогата во „Three Billboards outside Ebbing, Missouri“, а за Најдобар актер беше прогласен Гери Олдман за портретирањето на Винстон Черчил во филмот „Darkest Hour“.

Гери Олдман

Франсес Мекдорманд

За Најдобар анимиран филм сосем очекувано беше избран „Coco“, додека „Icarus“ стана Најдобар документарен филм.

Наградата за Најдобра актерка во споредна улога ја доби Алисон Џени за „I, Tonya“, а улогата во „Three Billboards outside Ebbing, Missouri“ на Сем Роквел му ја донесе наградата за Најдобар актер во споредна улога.

Алисон Џени

Сем Роквел

„A Fantastic Woman“ беше прогласен за Најдобар филм од неанглиско говорно подрачје.