На овогодишниот Макфест беа претставени 32 нови композиции, но само неколку од изведувачите беа почестени со награди за своите настапи. Во двете полуфинални вечери беа елиминирани 12 нумери, а 20 продолжија да се натпреваруваат во финалето.
Антониа Гиговска со „Никогаш не вели никогаш“ застана на првото место и освои парична награда од 5.000 евра. Веднаш зад неа се најде Роберт Билбилов со песната „Чудни места“, за што беше награден со 4.000 евра, а во негови раце заврши и наградата за Најдобар аранжман. Третото место остана за Дани Димитровска и нејзината нумера „Време“, за која доби 3.000 евра.
Награди во висина од 500 евра добија и Наташа Малинкова за Најдобра интерпретација, Мина Блажев за Најдобар дебитант и Пепа Димитрова за Најдобар сценски настап.
Погледнете ги нивните настапи во финалето:
