Антониа Гиговска со песната „Никогаш не вели никогаш“ победи на „Макфест 2018“. Покрај статуетка, 17-годишната пејачка освои и парична награда од 5.000 евра.
„Никогаш не вели никогаш“ е дело на Лазар и Магдалена Цветковски.
На синоќешното финале, на второ место заврши Роберт Билбилов со песната „Чудни места“ и беше награден со 4.000 евра. Третата награда од 3.000 евра ѝ припадна на Дани Димитровска која настапи со песната „Време“.
На 33. издание на Макфест учествуваа 32 изведувачи од кои 20 се натпреваруваа во финалето.
Награди во висина од 500 евра добија Роберт Билбилов за Најдобар аранжман, Наташа Малинкова за Најдобра интерпретација, Мина Блажев за Најдобар дебитант и Пепа за Најдобар сценски настап.
Водителка беше Маријана Станојковска.
