Бритни Спирс официјално се врати на музичката сцена со објавувањето на својот најнов албум „Femme Fatale“. 29-годишната пејачка во неделата сними мини концерт во Сан Франциско, кој денес беше премиерно прикажан во емисијата Good Morning America.
Мега-популарната Бритни настапи со три песни пред 5000 лојални обожаватели. Облечена во тесни костими и со придружба од танчери, таа ги изведе „Hold it Against Me“, „Til the World Ends“ и „Big Fat Bass“.
Бритни во Сан Франциско
Иако подолго време Бритни ја немаше на музичката сцена, таа не ги изгуби своите обожаватели. Доказ за тоа е што картите за малиот концерт биле распродадени за 14 минути. За сите оние коишто копнеат да ја видат Бритни, таа најави и летна турнеја со Енрике Иглесијас.
Бритни возбудено изјави: „Ви благодарам за целата љубов и поддршка... Ја сакам музиката. Таа е мојот свет. Таа ми е сè, па јас сум толку среќна што имам можност да ја споделам со сите“. А потоа објави: „Во јуни одиме на турнеја со Енрике Иглесијас“.
Бритни Спирс додека настапува со „Big Fat Bass“
По објавувањето на снимките од малиот концерт, повеќето нејзини фанови останаа воодушевени, но не беа малку и оние кои ја искритикуваа за тоа што не пееше во живо и што не танцуваше така динамично како во минатото.
Утрово Бритни доби и нови критики за прекумерно ретуширање на фотографиите за промоција на албумот. Daily Mail објави фотографии на кои јасно се гледа дека телото на Бритни е значително изменето, а исто така и лицето.
Промотивна фотографија на Бритни, која очигледно е ретуширана
Погледнете го настапот на Бритни. Какво е вашето мислење?
„Hold it Against Me“
„Til the World Ends“
„Big Fat Bass“
Дополнување (30.03.2011):
Само неколку часа откако Бртини најави дека ќе оди на турнеја со Енрике Иглесијас, сајтот Billboard објави дека Енрике се повлекува.
Денес беше пуштено и официјално соопштение од страна на Енрике во кое тој се извинува за недоразбирањето што настанало и потврдува дека нема да настапува со Бритни.
Според неофицијални информации, шпанскиот пејач се откажал затоа што не можел да поднесе да настапи како „најава“ за Бритни.
