Тина Тарнер, чие вистинско име е Ана Меј Булок, денес ќе го прослави својот 76. роденден. Талентираната пејачка која е позната по својот моќен глас и енергични сценски настапи, остави голем отпечаток во музичкиот свет и разбирливо е нарекувана „кралица на рокенролот“.
Својата кариера Тарнер ја започна во 50-тите години. Таа најпрво снимаше песни под името „Little Ann“ во групата „Kings of Rhythm“, чиј водечки вокал беше нејзиниот тогашен сопруг Ајк Тарнер.
По разводот, таа продолжи со соло кариера која резултираше со огромен успех. Тина освојуваше срца низ светот со хитови како „Simply The Best“, „What’s Love Got To Do With It“ и популарната песна „Golden Eye“ снимена за еден од филмовите за Џејмс Бонд.
Тарнер е една од најуспешните музички ѕвезди. Таа се има закитено со 8 Греми награди, а според Rolling Stone, е еден од најдобрите пејачи на сите времиња.
По повод роденденот на легендарната пејачка, уживајте во некои од нејзините најголеми хитови.
