Тина Тарнер е највозрасната жена која кога било се има појавено на корица на Vogue. Легендарната 73-годишна пејачка блеска во темносин фустан на Армани на насловната страница на априлското издание на Vogue Германија.
![Тина Тарнер](/images/articles/4660/01.jpg)
Фотосесијата со енергичната дива е направена од Штефан Индлекофер и Клаудија Кнепфел.
Тарнер долги години живее во Швајцарија и вели дека не може да си замисли подобро место за живеење. „Многу сум среќна во Швајцарија и тука се чувствувам како дома“ – признала таа.
Од фотографиите се гледа дека големата ѕвезда се одржува во одлична форма. „Околностите во кои живеам се совршени. Мојата физичка состојба е добра, што не е големо изненадување бидејќи никогаш не сум се дрогирала и не сум пушела цигари. Физички сум здрава и среќна“ – изјавила за Vogue.
![Тина Тарнер](/images/articles/4660/02.jpg)
![Тина Тарнер](/images/articles/4660/03.jpg)
Иако ужива додека нејзината музичка кариера е на пауза, Тина вели дека би продолжила да работи доколку в раце ѝ падне добра прилика. Кога била запрашана што ѝ се допаѓа од модерната музика, таа одговорила: „Навистина ми се допаѓа гласот на Ријана и ја сакам Адел. Исто така ми се допаѓа стилот на Бијонсе.“
![Тина Тарнер](/images/articles/4660/04.jpg)