Џорџ Клуни барем накратко „го замени Холивуд за Бил“ за да ја посети новата фабрика на Omega и одблиску да се запознае со производството на часовниците кои ги обожава уште од мали нозе.
57-годишниот актер, кој меѓу многуте титули ја има и „бренд амбасадор на Omega“, имаше шанса да го разгледа објектот кој беше отворен минатата година и заедно со Рејналд Ешлиман, Претседател и CEO на Omega и Ник Хајек, CEO на Swatch Group, да разгледа каде и како се комплетираат познатите швајцарски часовници.
„Џорџ Клуни е вистински обожавател на часовниците Omega уште од детството. Особено на Speedmaster, кој со години е негов избор. Токму затоа, ова беше возбудлива можност да види како се прават денешните модерни колекции“ - пишува во соопштението на престижниот бренд, чиј официјален претставник во Македонија е „Божиновски часовници и накит“.
Покрај Клуни, бренд амбасадори на Omega се и Синди Крафорд и ќерка ѝ Каја Гербер, Никол Кидман, Даниел Крег и Еди Редмејн.
