Меган Маркл одушеви во Сиднеј. 37-годишната војвотка, која е бремена со првото дете, измами комплименти од сите страни на светот со веројатно најдоброто модно издание досега.
Бајковитиот фустан од тул, кој е декориран со птици, е дело на модната куќа Оскар де ла Рента. Елегантните обувки ги потпишува брендот Aquazzura и тие полека стануваат препознатлива константа во стилот на поранешната актерка.
Меган и принцот Хари присуствуваа на церемонијата по повод доделувањето на наградите на Australian Geographic Society. Таа ѝ ја додели наградата на Софија Скарпарис за нејзината работа за забрана на пластичните кеси за една употреба.
