Меган Маркл и принцот Хари беа специјални гости на хуманитарната свеченост „Royal Variety Performance“. Штом парот пристигна пред лондонскиот Паладиум, сите погледи беа насочени кон славната војвотка која е бремена со првото дете.
Свечената комбинација на Меган вклучуваше долго црно здолниште со „сирена“ силуета и црно-бел горен дел од брендот Safiyaa.
Кралската двојка имаше можност да поразговара со дел од изведувачите.
Собраните парични средства од настанот ќе бидат наменети за помагање на стотици лица кои работеле во забавната индустрија, но имаат потреба од помош заради старост, влошено здравје или други лоши околности.
