Сигурно сте се запрашале што треба да поседува една жена за нејзиниот партнер да посака да биде во сериозна врска со неа. Или обратно, што треба да има идеалниот маж?
Просечниот маж сака шармантна жена со нежен изглед, што ќе се сложува со неговите родители.
Идеалната жена треба да биде грижлива, шармантна, непушач и со нежен изглед. Тоа се само дел од заклучоците на истражувачите во Велика Британија. Тие откриле и дека еден маж би сакал жена на која што ќе може да ѝ верува и која што ќе се сложува со неговите родители. Вулгарноста и неверноста се посочени како најодбивни особини кај спротивниот пол.
Истражувањето во кое учествувале 731 мажи и жени покажало дека мажите не сакаат премногу слаби жени (само на 12% им е важно жената да биде слаба). Исто така, само 7,5% од мажите сакаат висока жена. За разлика од нив, дури 41% од жените сакаат да имаат покрај себе висок партнер.
Жените изјавиле дека најмногу мразат алкохоличари, насилни и себични мажи.
Истото истражување открило и дека луѓето со прекумерна телесна тежина му даваат помалку значење на физичкиот изглед.
