Што мразат мажите, а што жените кај спротивниот пол? Кои се карактеристиките што им создаваат одбивност на мажите и жените? Истражувањето на Your Tango, Glo и Chemistry, кое ги зема во предвид одговорите на повеќе од 20 000 мажи и жени, стигна до конкретни податоци.
На долгорочен план и за мажите и за жените е најодбивна лошата хигиена
Што е тоа кај жените што најмногу би им создало одбивност на мажите?
Колку и да е убава една жена, ако не одржува добра хигиена, ќе изгледа непривлечно во машките очи. Истражувањето открило дека лошата хигиена е она што најмногу им создава одбивност на мажите кон жените и на првиот состанок и во понатамошната врска.
На долгорочен план работите кои на мажите им се одбивни скоро и да не се менуваат. Некои експерти велат дека тоа уште еднаш говори за фактот дека мажите се едноставни. Тие советуваат дека ако сакате за задржите маж, треба да внимавате на личната хигиена, да ги зачувате екстремните мислења за религијата и расизмот за себе и да бидете поголеми авантуристки во животот, вклучително и во сексот.
Што е тоа кај мажите што најмногу би им создало одбивност на жените?
Кога една жена ќе запознае нов маж во својот живот, нејзе најважно ѝ е тој да не се однесува како нарцис, да не биде расист и да нема детско незрело однесување.
На долгорочен план жените сметаат дека најнепривлечни се мажите кои не одржуваат добра лична хигиена и кои се однесуваат како нарциси.
Сепак, мажите и жените и не се толку различни кога станува збор за работите кои ги сметаат за одбивни.
