Со што жените ги привлекуваат мажите, а со што мажите ги привлекуваат жените? Дали тоа е надворешниот изглед, чувството за хумор, интелигенцијата...? Големо истражување на сајтовите Your Tango, Glo и Chemistry со учество на повеќе од 20 000 лица дава конкретни одговори на овие прашања.
Првично, на мжите многу им е важна сексуалната хемија
Првична привлечност
Да почнеме од мажите...
И ова истражување покажа дека мажите се визуелни суштества на кои многу им е важен надворешниот изглед на претставничките на спротивниот пол, особено кога се работи за првичната привлечност.
Кога маж ќе сретне една жена за прв пат, нему му е многу поважно каква сексуална хемија ќе се роди помеѓу нив и каква е конструкцијата на нејзиното тело, од тоа колку е интелигентна таа. Сепак, не е сè до изгледот, бидејќи на мажите исто така им е важна насмевката, љубезноста и чувството за хумор.
Жените пак првично многу повеќе ги привлекува смислата за хумор, љубезноста, насмевката и интелигенцијата на мажите, отколку сексуалната хемија што ќе се роди помеѓу нив.
Долгорочна привлечност
Добро е да се види дека на долгорочен план на мажите им е многу поважно жената да биде љубезна, да може да води добар разговор и да има смисла за хумор, отколку да биде добра в кревет.
На жените и на долгорочен план им се најважни љубезноста, чувството за хумор и интелигенцијата, а физичките карактеристики, како очите, забите/усните и сексуалната хемија, со текот на времето им стануваат неважни. Иако на жените не им е важна сексуалната хемија, по извесно време им стануваат важни сексуалните способности на партнерот.
