Човечките кукли Валерија Лукјанова и Џастин Џедлика се сретнаа во Њујорк за заедничка фотосесија.
21-годишната Украинка која ја имитира популарната Барби се сретна со 32-годишниот Американец кој потрошил 100.000 долари за со помош на 90 пластични операции да изгледа како Кен.
Џастин Џедлика и Валерија Лукјанова
Но, според известувањата на странските медиуми, средбата не поминала добро, бидејќи двајцата започнале да се расправаат за пластични операции и шминки.
„Поголем дел од нејзиниот изглед е додадена шминка, вештачка коса и корсети кои слабеат“ – изјавил Џедлика, коментирајќи го изгледот на Валерија.
На таквиот коментар, Валерија возвратила: „Џастин рече многу лоши нешта за мене, но тој има направено повеќе од 90 операции, додека јас само една. Не кријам дека си имам направено операција. Си ставив импланти на градите бидејќи сакам да бидам совршена.“
„Подобро е тој да не коментира за тоа кој е пластичен, а кој не. Сметам дека е привлечен маж, но има претерано со усните“ – додала таа.
Валерија тврди дека има направено само една пластична операција
Валерија долго време предизвикува дискусии на интернет и придобива многу обожаватели. Многумина ја споредуваат со кукла и тоа многу ѝ годи. „Пријатно ми е затоа што куклата е одраз на идеалната жена. Никому не би му сметало да биде споредуван со кукла“ – рекла таа.
Секој видлив мускул на телото на Џастин е имплант
