Чиле е местото каде е лоцирана најголемата лагуна некогаш создадена од човекот. Станува збор за базенот во одморалиштето Сан Алфонсо дел Мар кој ги сруши сите рекорди и заслужено ја носи титулата Најголем и најдлабок базен на светот.
Базенот е долг еден километар, се протега на површина од 8 хектари и достигнува максимална длабочина од 35 метра. Само за споредба, неговата големина е еднаква на големината на 20 олимписки базени.
Верувале или не, за негово полнење се филтрираат 250 милиони литри морска вода од Тихиот Океан. За еден ден се испумпуваат околу 800.000 литри вода.
Базенот е отворен за посетители од декември 2006 година. За негова изградба биле потребни речиси 5 години. Не е тешко да се види зошто оваа кристално бистра вештачка лагуна е привлечна туристичка атракција.
