Џеф Безос, најбогатиот човек на светот, присуствуваше на финалето на Вимблдон заедно со својата девојка Лорен Санчез.
55-годишниот основач на Amazon и 49-годишната ТВ водителка го следеа мечот меѓу Новак Ѓоковиќ и Роџер Федерер во усогласени стајлинзи. Џеф беше фотографиран како ја бакнува Лорен.
Ова е прво нивно заедничко појавување на јавен настан. Џеф и Лорен ја започнаа врската уште додека и двајцата беа во брак. Веста за нивната афера одекна во медиумите само неколку дена откако тој и неговата поранешна сопруга Мекензи објавија дека се разделуваат. Тие беа во брак 25 години и имаат 4 деца.
Разводот беше финализиран пред неколку дена, а со него Мекензи доби 38,3 милијарди долари. Таа објави дека планира да донира половина од богатството.
И Санчез стави крај на 13-годишниот брак со Патрик Вајтсел со кого има две деца.
