Игор Џамбазов се гордее со своето потекло.
61-годишниот македонски актер и шоумен честопати споделува стари фотографии од своите родители Александар и Анче, како и од дедо му Петре Прличко, кој е вистинска легенда и има важен удел во македонското глумиште.
Тој сега сподели фотографија од Facebook страницата „Македонска поезија“ на која позира со дедо му Петре, баба му Нада и сестра му Тања.
„Петре Прличко со сопругата Нада и внуците Тања и Игор Џамбазови. Фотографирано во 1987 година“ – стои во описот.
Ова не е прва ваква објава споделена од Игор. Пред неколку месеци, тој сподели стара фотографија од Петре и Анче.
„Крушата под круша паѓа. Татко и ќерка. Анче Џамбазова со својот татко Петре Прличко. Родени да бидат она што цел живот најдобро умееа да го прават, актери од највисок ранг. Мили личности на својот македонски народ“ – стои во објавата.
