Наместо честитки со совршен фамилијарен портрет, еден пар секоја година испраќа честитки кои ја доловуваат нивната реалност како родители на 3 мали деца.
Џонатан, неговата сопруга и двете синчиња секоја година создаваат фотографија која на хумористичен начин ги прикажува предизвиците на родителството.
„Првиот пат кога се обидовме да направиме „традиционална“ фотографија за честитка, имавме хумористично лоши резултати. Бевме нови родители на едногодишно дете и сè беше наопаку – бебето постојано плачеше, дуваше силен ветер, светлината постојано се менуваше, можете да замислите. Ако двајца од нас изгледаа ок, другиот ќе беше замижан. Толку многу се смеевме поради тоа колку беа лоши фотографиите што одлучивме да им ги испратиме на членовите на нашето семејство, а нив многу им се допаднаа. Оттаму се роди традицијата – наместо да се обидуваме да испратиме совршени честитки, ние испраќаме нешто што го претставува хаосот на родителството.“
„Децата го обожаваат ова, иако постојано морам да ги потсетувам дека ова е измислено и дека не треба да го применуваат во реалниот живот. Понекогаш се плашам дека им ставам идеи во главата.“
„Нашите роднини би се разочарале ако сега се вратиме на нормални честитки. Сметам дека сите длабоко во себе мразат да позираат за честитки, речиси е невозможно ако имаш мали деца, па луѓето ги ценат честитките кои ги прикажуваат предизвиците на родителството“ – вели Џонатан.
Оваа година, на забавното семејство му се придружи уште еден член.
