Остварување на двојна бајка... Вака идентични близначки ја опишуваат нивната заедничка свадба со идентични близнаци.
Имено, сестрите Британи и Бријана се омажија за браќата Џош и Џереми, а нивната љубовна приказна го обиколи светот.
Паровите се венчаа за време на фестивалот „Twins Days“, кој секое лето се одржува во Твинсберг, Охајо, и на кој присуствуваат близнаци. Тие се запознале токму на овој фестивал минатата година.
Невестите носеа идентични фустани, а младоженците исти костуми.
„Ова навистина е остварување на бајка. Стапувањето во брак со близнаци е нешто што ни е важно. Дури и кога бевме мали девојчиња, се сеќавам дека кога бевме во градинка се гледавме во иднина токму вака“ – изјавила Бријана.
„Знаевме дека шансите се неверојатно мали. Ѕвездите мораа да се подредат за да ни се остварат соништата. Јас да се омажам со мажот од моите соништа, а во исто време, да можам да погледнам до мене и да ја видам мојата сестра близначка како се венча со мажот од нејзините соништа“ – рекла Британи.
Џереми и Џош ги запросија своите сакани заедно во февруари оваа година. Паровите планираат да живеат во иста куќа и заедно да ги растат своите деца.
