Близначиња од Калифорнија ќе слават роденден во различни денови, во различни месеци, па дури и во различни години.
Малите Алфредо и Ајлин се родија 15 минути едно по друго, едното бебенце во 2021, а другото во 2022 година.
Мајката Фатима Мадригал го донесе на овој свет синчето Алфредо 15 минути пред Нова година, а ќеркичката Ајлин се роди точно на полноќ.
„За мене е лудо што се близнаци, а ќе имаат различни родендени. Бев изненадена и среќна што таа се роди на полноќ“ – вели мајката на близначињата.
Веројатноста ова да се случи е 1 на 2 милиони.
Фатима и нејзиниот сопруг имаат уште три деца.
