Пред два дена, градоначалничката функција во Гибралтар ја презеде Кајен Лопез, станувајќи најмладиот градоначалник на оваа британска територија.
30-годишната убавица, која во 2009 година ја понесе титулата Мис на светот, беше назначена на новата позиција од страна на парламентот во Гибралтар. Претходно, таа работеше како заменик на градоначалникот. Кајен е политичарка, танчарка и мисица, која редовно ја претставува својата татковина низ светот.
Во 2009 година таа беше прогласена за Мис Гибралтар на националниот избор за убавина, а истата година се стекна и со титулата Мис на светот. Кајен е првата мисица во историјата на Гибралтар која ја има понесено оваа титула.
Лопез одржа говор во кој им се заблагодари на сите нејзини претходници, нарекувајќи ги „инспирација“.
„Во последните неколку години му бев заменик на градоначалникот и увидов колку напорна работа и посветеност се потребни за да се исполни оваа улога. Сакам да им се заблагодарам на сите претходни градоначалници. Сите вие сте огромна инспирација“ – рече таа при преземањето на функцијата.
