Ученици од Скопје и Штип одлично ја претставија нашата држава на Меѓународната олимпијада по природни науки која се одржа во Обединетите Арапски Емирати.
Од Дубаи, македонските учесници се вратија со шест медали – еден сребрен и пет бронзени. Алексиј Тасиќ се закити со сребрен медал, додека бронзени медали освоија Матеа Митревска, Теона Ана Георгиевска, Иван Костевски, Андреј Стојановски и Марио Ванчоски.
На олимпијадата учествувале 360 натпреварувачи од 59 држави.
Веста ја споделија од Друштвото на физичарите на Република Македонија.
„Создаваме вредности! 1 сребрен и 5 бронзени медали на IJSO2021 (Дубаи, 12-21 декември 2021). 59 држави, 360 натпреварувачи. Заедничка активност на трите друштва: ДФРМ, СХТМ, МБД“ – напишаа тие.
