Секоја помош значи премногу кога си принуден да го напуштиш својот дом и својата татковина.
Airbnb понуди да обезбеди привремен престој за 100.000 лица кои ја напуштаат Украина и немаат обезбеден кров над главата.
„Денес, објавивме дека Airbnb нуди бесплатно привремено сместување за 100.000 бегалци од Украина. Ова ќе биде финансирано од Фондот за помош на бегалци на Airbnb и дарежливоста на домаќините“ – пишува во соопштението на компанијата.
Од стартот на војната, над половина милион лица ја напуштиле Украина.
Извршниот директор и ко-основач на Airbnb, Брајан Чески, побара помош од граѓаните на соседните земји на Украина да ги отворат нивните домови за бегалците.
„Ни треба помош за да си ја исполниме оваа цел. Најголема потреба имаме од што повеќе луѓе кои можат да ги понудат своите домови во блиските земји, во кои спаѓаат Полска, Германија, Унгарија и Романија“ – напиша тој на Twitter.
