Најновите податоци од Министерството за здравство покажуваат дека повторно има значителен пораст на бројот на новозаболени од коронавирус во нашата држава.
Во изминатите 24 часа потврдени се *125 нови случаи. Лицата кои се позитивни на КОВИД-19 по градови се од:
- Скопје - 46
- Kуманово - 19
- Штип - 17
- Прилеп - 1
- Тетово - 16
- Струга - 7
- Велес - 3
- Битола - 1
- Охрид - 5
- Гостивар - 6
- Кочани - 1
- Делчево - 1
- Неготино - 2
Потврдени се 8 оздравени пациенти. Починаа две лица, пациент од Прилеп на возраст од 73 години, хоспитализиран во ГОБ „8 септември“ од 19 мај и пациентка од Струмица (67г) хоспитализирана на Клиника за неврохирургија од 18 мај.
Во изминатото деноноќие направени се 1.085 тестови. Од нив, 113 теста се во рамките на скринингот во градинки во Штип и Кочани и не се регистрирани позитивни случаи на КОВИД-19.
Вкупната бројка на дијагностицирани со КОВИД-19 во нашата земја од почетокот на епидемијата изнесува 2.915, бројката на оздравени пациенти е 1.640, на починати е 151, а во моментов бројот на активни случаи во земјата изнесува 1.124.
*Во првичната верзија на извештајот на Институтот за јавно здравје, бројот на новозаболени од КОВИД-19 беше 79, но по сумирањето на сите резултати, се искачи на 125.
