Џиџи Хадид и Зејн Малик ја обновија својата романса.
24-годишниот модел и 27-годишниот пејач синоќа беа фотографирани заедно додека го прославуваа неговиот роденден во Њујорк.
Според извори на E! News, Џиџи и Зејн одлучиле да си дадат нова шанса пред празниците: „Џиџи и Зејн се заедно од пред празниците во декември. Зејн контактираше со Џиџи во изминатиот месец и таа одлучи да му даде уште една шанса“ – рекол изворот.
Познатиот пар поттикна гласини за обновување на врската откако беше фотографиран заедно на роденденската прослава на мајката на Џиџи, Јоланда Хадид.
На забавата беа и Бела Хадид и Дуа Лупа.
Парот започна да се состанува на крајот од 2015 година, а се раздели во март 2018 година. Џиџи и Зејн ја обновија врската во јуни истата година, но повторно се разделија во јануари 2019 година.
