Џеси Џеј го очекува своето прво бебе.
34-годишната пејачка ја сподели веста на Instagram и ги изненади фановите 13 месеци по спонтаниот абортус. Џеси објави кадри од позитивниот тест и трудничкото стомаче во различни периоди од бременоста.
„Многу сум среќна и преплашена што конечно го споделувам ова... Ве молам, бидете нежни кон мене“ – напиша таа.
Викендов, таа беше фотографирана во Лос Анџелес. Популарната музичарка носеше хеланки и бел топ кој ѝ го отскри стомачето.
Подоцна, Џеси на Instagram напиша:
„Не можам да спијам. Мислам на денешниот ден и на огромната количина на љубов и поддршка кои ги чувствувам. Не можам да не мислам на сите жени и мажи кои сè уште се борат со неплодност и со загуба. Чудно ми е да бидам на оваа страна откако ми беше кажано дека никогаш нема да забременам, па имав спонтан абортус, па пак забременив и тоа се случи многу брзо“.
Во ноември 2018 година, Џеси сред концерт откри дека ѝ било кажано дека нема да може да има свои деца.
