Џенет Џексон и нејзиниот сопруг Висам Ал Мана го очекуваат своето прво дете. Вчера, извори блиски на парот ја потврдија веста за бременоста за релевантни странски медиуми.
Славната пејачка, која на 16 мај ќе наполни 50 години, ја заскокотка љубопитноста на јавноста откако ненадејно ја одложи својата светска турнеја „Unbreakable“.
На почетокот од минатиот месец, Џенет преку видео на социјалните мрежи им се обрати на своите фанови за да им се извини што ја одложува турнејата и да им соопшти дека со сопругот планираат да имаат дете, за што докторите ѝ препорачале одмор.
„Сметав дека е важно вие да бидете први што ќе дознаете. Јас и мојот сопруг планираме да основаме семејство, па морам да ја одложам турнејата. Ве молам да разберете дека ми е важно да го направам ова сега. Докторите ми наредија да одмарам“ – вели таа во видеото.
Видео
A message from Janet...https://t.co/KrzYZ4eyvD
— Janet Jackson (@JanetJackson) April 6, 2016
Џексон тајно се омажи со 41-годишниот бизнисмен во 2012 година, а парот ја потврди веста на почетокот на 2013 година. Ова е трет брак за познатата музичка ѕвезда.
