Големите обожаватели на Шаде може да започнат да ги одбројуваат деновите до издавањето на новиот албум. Од Epic Records најавија дека новиот албум на групата, предводена од 50-годишната пејачка Шаде, ќе се појави на 8 февруари 2010г.
Новиот албум „Soldier of Love“ е првиот официјален албум на Шаде од издавањето на „Lovers Rock“ во 2000г.
Ова е шестиот албум на групата, која е формирана во 1982г. и досега има продадено 50 милиони албуми низ целиот свет. Песните „Smooth Operator“, „Love Is Stronger Then Pride“ и „No Ordinary love“ се само дел од многуте хитови на Шаде, кои ги обележаа 80-те и 90-те години.
Само за да се потсетите на прекрасните песни, кои допираат до дното на душата на милиони обожаватели, подолу можете да го видите спотот на незаборавната песна „Smooth Operator“.
